Presidenti rus Vladimir Putin nënshkroi të premten një ligj që parashikon burgim deri në 15 vjet për publikimin e lajmeve të të rreme në lidhje me ofensivën ushtarake në Ukrainë, raporton AFP.
Projektligji, i miratuar nga parlamenti rus këtë javë, parashikon burgim dhe gjoba për njerëzit që publikojnë “informacione të rreme me vetëdije” në lidhje me veprimet jashtë vendit.
Nëse informacioni i rremë “ka shkaktuar pasoja të rënda”, dënimi shkon deri në 15 vjet burim.
Ndërkohë, agjencia e lajmeve Associated Press raporton se ministri i jashtëm rus Sergei Lavrov mohon që Rusia të ketë pushtuar Ukrainën dhe se lajmet për pushtim të Ukrainës nga Rusia janë të rreme.
Komisioneri i Lartë i Kombeve të Bashkuara për të Drejtat e Njeriut konfirmon se të paktën 1,035 civilë, përfshirë 90 fëmijë, janë vrarë në katër javë që nga fillimi i luftës. 1650 civilë të tjerë janë plagosur.
Këto shifra janë sigurisht një numër i vogël, në krahasim me numrin real të viktimave të luftës. Megjithatë, zyrtarët rusë kanë mohuar të kenë goditur objektivat civile, duke cilësuar deklaratat perëndimore si “lajme të rreme.
